中共入侵google 癱瘓 gmail

中共入侵google　癱瘓 gmail

六四23周年之際，好多熱血嘅泛民同社運人士，都收到 Google通知，話佢哋嘅 Gmail電郵戶口「 可能面臨由國家資助的攻擊 」。

呢班苦主包括將福娃惡搞成福佳嘅林忌、80後社運女將 阿Ger、曾經因為街頭示威被政治檢控入獄嘅 楊匡 …… 睇完呢個被國家攻擊嘅名單，大約都估到發生乜嘢事。

Google 冇解釋到點樣知道黑客係由國家資助，苦主之一嘅楊匡話，Google 一定係發現攻擊電郵戶口的伺服器運算速度奇高，一定係超級電腦先做到，所以相信係國家資助嘅攻擊行為。

楊匡：好恐怖的國家

楊匡喺facebook 發表感想話︰「 好恐怖的國家，是我欠了你的嗎？！」佢同吳爽講，大約半年至一年前，佢搞緊港版茉莉花革命嘅時候，都收到 Google 類似嘅通知。今次收到通知，係佢透過 Google+ 發表咗一幅「 要求平反 不如造反 」嘅標語之後，唔知有冇關係。

攻擊電郵嘅目的，就係想癱瘓泛民同社運界分享民主訊息、發動遊行示威嘅力量。但係正如爭取平反六四嘅星火，中共撲足23年都撲唔熄，一次電郵攻擊又點可以打擊到社運界嘅熱血？楊匡話︰「 只要一息尚存，我都會喺不同平台繼續反獨裁。」

http://www.sharpdaily.hk/article/news/20120607/98855

Google 開始主動分析提示： 你的 Gmail 正遭受國家級威脅！
http://playpcesor.blogspot.com/2012/06/google-gmail.html