Dienstag, 27. November 2012

陳雲 : 番話

陳雲 : 番話

路過香港的行人天橋,都會遇到推銷攤檔 或企街,在易拉架傍邊,不停向人講番話。網友去年說,這種番話,是她回港以來在公共場所聽到 最刺耳的滋擾聲。

所謂番話,不是「 人口啞啞 」的番話,即並非唐話以外的番話,而是推銷員口中的番話,即是將「 返 」字轉讀為「 番 」的音:呢次介紹畀你、今次優惠你、有新貨 咗想講你知 . . . . . . 。

行到下一個街口,入了時裝店,又聽到:「 小姐介紹呀,有新貨咗,啱嘅可以試喎。 」「 呢件衫剩喺得大碼,講呢,減價貨冇得退。呢次睇唔啱,下次嚟 睇呀囉。 」

粵語的 反、返、翻之類,都是古語的同音通假詞( 同音字變調之後改變意義 ),但淪為惡性推銷,就好恐怖。明明三唔識七,初次見面,就硬說人家是返轉頭幫襯,營造虛偽的熟悉感。

香港推銷員用的那個返字,是語言植入的蠱惑技術,要人返來幫襯,或返頭用。明明人家都未用過,他們就說「 用返 」、「 試返 」。

明明未試過,就說「 畀你用 」,好似來客已經用到好熟悉的樣子。這是惡性推銷用的 心理洗腦技術。

如此惡性推銷,神憎鬼厭。可惜香港官商勾結,商家佬剝削市民的時間,無法無天,否則應該立法禁止店員做惡性推銷的對答的。

我有一次買一盒月餅,不停聽到番話,我要出動粗言穢語呵斥店員,才可以停止她對我長達兩分鐘的惡性推銷:

「 我來買月餅,不是來給你推銷,浪費我的寶貴時間,浪費我的時間,要我倒貼錢,你做乜嘢生意噶?你當顧客死噶?咁長氣,唔好去開棺材鋪,同啲死人講嘢吖笨? 」

前年在九龍塘地鐵站 便利店遇到某店員,收錢的時候 不斷介紹我買嘢,她也許被店主逼迫 要講推銷話,便自己變成機械人,不斷滋擾顧客,互相報復。 地產霸權 將香港變成妖魔世界。

也許有朝一日,結婚攝影服務公司會說:「 小姐,我地有優惠畀返你,你嫁返一次啦。 」殯儀館或骨灰龕公司會說:「 先生,我地有優惠介紹番返你,你試返我地啲優惠啦。 」


Keine Kommentare: