Sonntag, 9. Oktober 2011

𨳍 (粗口)

𨳍 (粗口)
http://zh-yue.wikipedia.org/wiki/%F0%A8%B3%8D_(%E7%B2%97%E5%8F%A3)

【𨳍】

「𨳍 」 ( 讀音: càt ) 係廣東粗口字之一嘅俗寫(「 門」字入面加個「 七」字),讀音係 ” chat6”,而佢嘅正字係「山 」字下面加個「 十 」字。

哩個字嘅原本意思其實並唔係指賓舟嘅嗰條莖嘅部份,而係單單指春袋,不過後來啲人一知半解就一律將佢概括俾人叫成副賓舟做「𨳍」[1]。

不過講春袋又好,講賓舟又好,雖然話哩個正式嘅字只係人體器官之一,但係要講就始終會好核突好難登大雅之堂,偏偏只有文化比較低嘅人鍾意將佢成日公開咁講,仲當埋粗口咁用,咁喺冇人願意企出嚟糾正之下,加上普羅大眾冇特別去深究,於是就將哩個字變成代表賓舟,

而寫法就由「 𨳍」字直頭簡單咁寫成代表數字嘅「 七」或者「 柒」,之但係其實佢哋係唔可以共通,不過因為啲人已經慣咗用佢嚟做諧音,所以以下都不妨借個「 七」字嚟做解說。

「七 」嘅意思包括:

* 名詞,陽具嘅意思,量詞係「 碌」。例子:

碌七六七吋,隊到好撚遠。(陽具長達六七吋,延伸到好遠嘅地方。)

* 形容詞,形容過咗時、好難睇、笨拙嘅形象,又可以指明形容思想,係好鮮明嘅形容用字。例子:

條友好七(嗰個人嘅外表好過時、難看、笨拙。)
條友啲思想好七(嗰個人嘅思想好過時、笨拙。)
七頭七腦(笨笨拙拙,傻更更嘅。)
七咗!(蠢咗。多數用喺發現自己做咗一件蠢事嘅自嘆。)

* 語氣助詞,本身冇意義。可以同「 撚」、「 尻」、「 閪」字互相調換使用。例子:

玩乜七嘢呀?(「 玩夠未呀!?」;有就快要發難嘅意味。)
邊七個呀?(「 究竟邊個呀?」;同上。)
搞乜七呀?(「 究竟喺度做乜呀?」;有嫌人阻掟嘅意味。)
點七知! (「 我點會知道?」;有真係唔知,要人唔好再詢問嘅意味。)

-----

文法 [編輯]

「七 」同「 鳩」用法相同,但係根據己故才子黃霑嘅著作《不文集》裡面所描述,「七 」同「 鳩」嘅分別係──「 鳩」勃起係硬嘅,而「 七」勃起但係就軟嘅。所謂「戇鳩 」同埋「 笨七」,平時兩個詞語同樣都係形容人愚鈍癡呆,但係實際層次上亦有唔同:

前者係指陽具好易會好衝動咁胡亂勃起,後者就係連勃起都冇力嘅樣;所謂唔應該硬而硬嘅係「戇鳩」,應該硬但係唔硬嘅就係「笨七」。因此,「七」字就成為咗形容呆笨愚鈍嘅粗口專用字。

「七 」字係使用率最少嘅廣東粗口字。佢雖然可以作為語氣助詞,一樣係夾雜喺句子裡面,但係好多時讀起上嚟都唔係幾順口。「七」字除咗用嚟做形容詞之外,應用嘅範圍其實唔係多,所以多數俾人用嚟創作一啲市井嘅句子或者俗語。


「七」字作助詞用嘅其它例子 [編輯]

打七佢!  將佢打到變成好難睇嘅樣!

其實都係將嗰個人打到好慘嘅詞語,但係如果呢度換咗個「鳩」字,意義層面上就會有少少唔同。箇中嘅學問係於:「 前者有著重於得出嚟嘅結果,要打到佢變哂型咁先至肯收手;而後者呢就著重於個過程,總之狠狠咁打佢一餐,令到佢知痛嗌哂救命咁就可以。

」由此可見,唔係每個詞語都可以將助語粗口字求其替換使用。(可以參照「 鳩」字嘅 《「 鳩」字作助詞用嘅其它例子》 )


「七」字作形容詞用嘅其它例子 [編輯]

貌似北京狗,七到冇人有。  市井創作俗句之一,即係話:樣貌好似隻北京狗咁,難睇笨拙到冇人比得上。

注 : 七到冇人有,可以用七到冇朋友 代替: 難睇笨拙到交不到朋友或者由有朋友变成没有朋友
常見嘅單獨字句應用 [編輯]

七頭/七碌  龜頭,陽具;哩度係指外表過時、難睇、笨吓笨吓嘅人,亦可單單指髮型。

七頭皮  同樣係對人用嘅詞語,多數指男性,但係侮辱力唔係太強,亦冇一定嘅意思;多數用嚟作為同比較熟朋友嘅玩笑式稱呼。例如:「喂七頭皮,今晚落老蘭蒲預埋你呀!」( 喂衰嘢,今晚去蘭桂坊飲酒消遣預埋你嗰份呀!)

笨七/七咕碌  形容超級笨拙嘅人。

七棘  原本係指龜頭同陰莖之間交接嘅凹陷地方,但係哩個詞語就多數用嚟形容超等笨拙嘅人。因為「 七棘」哩個位置多數俾包皮遮掩,於是亦可以引申形容嗰啲行為鬼崇古惑,出爾反爾嘅人。

七下七下  同「鳩下鳩下」同埋「烚下烚下」同樣係指人呆鈍,但係爆得粗口嘅話,啲人多數會用「七下七下」。

切七 將陽具切咗去。

七是我碌強  市井創作俗句之一,男性用嚟自誇嘅句子,意思係陽具之中我係最強嘅。

撚到用時方恨七  市井創作俗句之一,意思係話到咗要用陽具嚟做愛嘅時候,先至悔恨自己平時冇乜鍛練,搞到依家抬唔起頭。

切七煲湯派街坊  市井創作俗句之一,用嚟鬧嗰啲冇咩用處嘅人。例句:你都係冇撚用o架啦,不如切七煲湯派街坊好過啦!
( 睇你做乜都唔掂咁冇鬼用,不如將賓周切出嚟煲湯,然後分派俾啲左鄰右里好過啦。)

七撚懵懵食甜筒  市井創作俗句之一,形容好似舔著雪糕咁呆呆鈍鈍嘅人。

損𨳍 同「含撚」一樣,指口交。



Keine Kommentare: