Montag, 24. September 2012

爽報 : 門常開:10.1龍獅旗飄揚 圍中聯辦宣示主權

爽報 : 門常開:10.1龍獅旗飄揚 圍中聯辦宣示主權

曾經發表過車毀人亡論嘅 港澳辦前副主任 陳佐洱,早幾日口痕批評有港人揮舞 港英時期嘅龍獅旗,結果越幫越忙,有網民發起 10月 1日國慶日 下午兩點半,齊齊用 龍獅旗海包圍 中聯辦,誓要吸引中外傳媒注意,落阿爺面。

發起圍中聯辦嘅高登巴打 Genzo話:「 我哋要行出嚟,話畀中國知,我哋唔想你管,中國係殖民統治緊香港,我哋要反中殖!仲要話畀班中國人知,香港人唔係中國人!

Genzo 一直有搞團購龍獅旗,每幅大約1米 乘2米,每支旗賣125蚊,至今已經發展到 第九輪團購,訂旗嘅人總數超過600人,可以想像國慶日中聯辦外閒閒哋會有超過百支龍獅旗揮舞。

除咗團購龍獅旗外,Genzo 仲呼籲出席嘅人士可以用 A4紙印定標語,寫上「 香港人主場,中殖民滾蛋! 」或者「 香港人不是中國人 」等標語。陳佐洱 如果睇到網民呢啲言論,肯定又要心痛一番,不過 Genzo話,香港人拎香港旗係理直氣壯。
多謝陳佐洱曲線宣傳

Genzo 分析揮舞龍獅旗嘅人各有原因,有人係因為覺得 1997年前好多嘢都好過𠵱家,有啲人則係因為想獨立,又有人係想回歸英國,而呢幾種人嘅共通點,「 都係反映出中國對香港管治差劣,令到呢啲人唔想再俾中國管 」。

Genzo 又話,陳佐洱嘅言論肯定令更多人想揮舞龍獅旗,曲線幫手宣傳,唔該晒陳巴打。

吳爽
網民點睇

維護本土價值
LadyKylie:香港龍獅旗是講維護本土價值,講的是香港自治,合法合理,也是中國政府自己承諾的。

小小集體回憶
憂鬱的熱帶2:這是香港「 曾經 」光輝的記號,是生於今時的小小集體回憶。

當面打中央臉
明日過後( 廣東網民 ):舉着香港旗,是對過去的懷緬,在中央看來,這是當面打臉,讓其在世人面前出醜,這當然會惱怒。

source:
10.1 龍獅旗飄揚 圍中聯辦宣示主權
http://www.sharpdaily.hk/supplement/100006/20120924/136804/%E9%96%80%E5%B8%B8%E9%96%8B-10.1%E9%BE%8D%E7%8D%85%E6%97%97%E9%A3%84%E6%8F%9A-%E5%9C%8D%E4%B8%AD%E8%81%AF%E8%BE%A6%E5%AE%A3%E7%A4%BA%E4%B8%BB%E6%AC%8A/


Keine Kommentare: