Donnerstag, 3. Juli 2014

第一次既悲劇同第二次既鬧劇-1848年歐洲革命

膠登仔都睇得明既 簡易西史入門 第三十五集: 第一次既悲劇同第二次既鬧劇 -1848年歐洲革命

膠登仔都睇得明既 簡易西史入門 第三十五集: 第一次既悲劇同第二次既鬧劇-1848年歐洲革命


係法國佬為左民主自由將自己既國家變成一座大屠房既時候

佢地隔離海既英國佢地都開始左一場佢地自己都不自覺既革命 呢場叫工業革命

1764年占士·哈格里夫斯發明珍妮紡紗機 1781年占士·瓦特發明單向蒸汽機

1785年瓦特建立第一座蒸汽紡紗廠 1825年英國生產第一架蒸汽火車

係梅特涅忙於打壓法國人既革命時 英國人既革命已經翻天覆地咁改變左歐洲人既生活面貌

地主放棄佢既莊園古堡換成黑煙工廠 工廠集合成城市 城市引黎無地農民 無地農民係城外聚居成貧民窟

農奴失去佢既土地地主同地契換成一年365日一日廿四小時既工作以換取僅以果腹既雜糧直至到佢既遺骸比人掟返入佢係貧民窟既"居所"

十幾年間歐洲既城鎮農田都被城市工廠同貧民窟取代 鄉間不見青山綠水只有鋼筋水泥蒸汽同煤炭

就連梅特涅門口花園都變成污水廢氣既遊樂場時佢依然醉心於打壓法國毒而冇人留意到呢股早已毒害全歐洲既英國毒


-- -

1824年9月16日經過六十九年放縱既人生 法國國王路易十八被痴肥同糖尿折磨到佢人生最後一刻

係離留間佢講左句

...我睇我細佬都冇機會死係呢張床上面啦...

到個晚佢細佬查理十世就繼承左佢既王位


不負眾望查理十世登基後所作所為一如世人所料

佢登基後第一樣野就係扁低國債利率黎籌得十億法郎去償還所有係法國大革命中被沒收資產既人既損失

跟住佢再立反褻瀆法 所有未經許可接觸教會祭祀用具既人死刑

炒晒學校入面所有哲學科教師一律由教士取代

遺產超過300法郎就只有長子可以繼承

呢d政策既冇任何公共利益 亦唔係任何人既要求 更唔係為加強佢既權力 佢只係係到放縱佢既仇恨向大革命報仇

你地殺左我個侄!!你地殺左我啊哥!!你地殺左我個仔!!你地...仲殺左...我既青春!!我既初戀!!

乜撚野共和主義...邊個講我殺邊個!!

一個滿腔仇恨既66歲啊伯 佢擁有權力就係要向佢既人民復仇

佢六年既管治就係向貴族教會以外全法國人民宣戰

1830年3月17日查理十世終於得償所願

係呢日新當選既下議院400個議席中有221個議員聯合向查理十世提出不信任動議 查理十世就索性解散議會重選

但係三個月後6月23日新當選既下議院依然係反對派佔優 兩次議會被解散後7月6日查理十世以憲法14條宣佈暫停憲法

7月25日查理十世搬出杜樂麗宮避入巴黎市郊既聖克盧發表聖克盧條例

廢除新聞及出版自由 減少商會代表所佔選民比例 9月重新大選


嘩~!!又係舉國嘩然?唔係

其實最初大部分平民都係冷漠既 佢地如同大革命前既農奴一樣只關心自己既生存

政治對佢地黎講只係一少撮權貴之間最討厭既遊戲

但呢班農奴佢地既主人已經唔係大革命前既舊貴族 而係工業革命後既新貴族-工廠主



查理十世發表聖克盧條例後呢班工廠主失去埋佢地僅有既政治地位

銀行唔再願意向佢地借錢並追收欠債

工廠主冇錢就執晒佢地D工廠

工廠執笠工人就失業

工人冇東家打就返去搵西家打啦



就係聖克盧條例發表既第二日26日 巴黎一街都係示威遊行

無論工人定有錢人佢地都走上街頭包圍到空無一人既杜樂麗宮要求國王尊重憲法

查理十世一如佢啊哥同歷代波旁國王一樣用軍隊同戒嚴黎報答人民既訴求



再第二日27日愛與和平佔領杜樂麗宮門口既人群愈聚愈多 軍隊向天開槍驅散人群

群眾離開杜樂麗宮退入市街 佢地爬上屋頂用雜物掟街上既軍隊

軍隊又向天開槍"示警" 當場就死左廿幾個

殺人政府黎啦!!殺晒D貴族!!拖晒佢地上斷頭台!!



28日暴亂既平民愈黎愈多仲係每條街上搭起路障

軍隊只可以分散並被孤立係重要既政府部門同王室設施入面被暴民包圍再遂個擊破

守衛巴黎既依然係當年個個馬爾蒙 一班商會代表夾埋寫左封請願信比佢要佢專交國王要求解散內閣同收返聖克盧條例

. . .

. . .

- -

黑格爾 在某個地方說過,一切偉大的世界歷史事變 和人物,可以說都出現兩次。他忘記補充一點:第一次是作為 悲劇出現,第二次是作為 笑劇出現。


科西迪耶爾代替丹東,路易•勃朗代替羅伯斯比爾,1848—1851年的山嶽黨 代替1793—1795年的山嶽黨,侄兒代替伯父。在霧月十八日[44]事變再版的那些情況中,也可以看出一幅同樣的漫畫!


  人們自己創造自己的歷史,但是他們並不是隨心所欲地創造,並不是在他們自己選定的條件下創造,而是在直接碰到的、既定的、從過去承繼下來的條件下創造。


一切已死的先輩們的傳統,像夢魘一樣糾纏著活人的頭腦。


當人們好像只是在忙於 改造自己 和周圍的事物 並創造前所未聞的事物時,恰好在這種革命危機時代,他們 戰戰兢兢地 請出亡靈來給他們以幫助,借用它們的名字、戰鬥口號 和衣服,以便穿著這種久受崇敬的服裝,用這種借來的語言,演出世界歷史的 新場面。


例如,路德換上了使徒保羅的服裝,1789—1814年的革命依次穿上了羅易共和國和羅馬帝國的服裝,而1848年的革命就只知道時而勉強模仿1789年,時而又模仿 1793—1795年的 革命傳統。


就像一個剛學會外國語的人 總是要在心裡把外國語言 譯成本國語言一樣;只有當他能夠不必在心裡把外國語言翻成本國語言,當他能夠 忘掉本國語言 來運用新語言的時候,他才算領會了 新語言的精神,才算是運用自如。
  


在觀察世界歷史上 這些 召喚亡靈的行動時,立即就會看出 它們中間的 顯著的差別。



馬克思 : The Eighteenth Brumaire of Louis Bonaparte
http://www.marxists.org/chinese/Marx/1851-1852/01.htm


source :


第一次既悲劇同第二次既鬧劇 - 1848年歐洲革命
http://hkgalden.com/view/146333


Keine Kommentare: