[粵語正音]反面教材之荒謬「正音」－星矢冥王十二宮篇

[粵語正音]反面教材之荒謬「正音」－ 星矢冥王十二宮篇
http://www.youtube.com/watch?v=djTc2Sf1n8A&feature=related

背景資料：

何文匯博士喺佢自稱為「 正讀」嘅書裏面，指「冥」讀〔皿〕係「錯­讀」，只能讀〔明〕。巧合地，《最緊要正字》之後，星矢冥王篇，角色所有「冥」字音，全被讀成〔明〕；只有麥劍秋先生報幕時，堅持讀「〔皿〕王十二宮篇」。

「冥」讀〔明〕收於 《 廣韻》，編於一千年前，其中「 廣」係「 廣大」，唔好以為係「廣州/廣東」。何文匯指讀〔皿〕音錯，正是根據­此書。但「時有古今，地有南北，字有更革，音有轉移」（ 《 毛詩古­音考》，明．陳第），古今音有時的確可以唔同。

而且「 冥」呢個字，喺九百幾年前嘅《集韻》，係有收〔皿〕音。《集韻》 引 《 詩經/無將大車》一篇，「 無將大車，維塵冥冥。無思百憂，不出于熲。」呢個就係〔皿〕音（仄聲）出處。

《詩經》係中國詩歌總集，最遲嘅作品成於春秋時期中葉，即距今超過二千年。

何文匯喺新書改口風，話我地「口語中一般讀〔皿〕」，並補充「 後­世詩作多數讀平聲」先至合格律。

換言之，冥讀仄聲，可考據嘅材料中，已有超過二千年歷史。《集韻》 嘅切音更加同我地而家讀音相同。電視台負責此動畫配音嘅，如果唔係閉關自守，冇可能唔知呢個字喺冥王、冥界、冥府時，係要讀〔皿〕。

聖鬥士星矢 超正廣東話主題曲 OP.flv
http://www.youtube.com/watch?v=1K-IlbWAxvA&feature=related