林茵 - 陳雲：我預咗畀人鬧
2012年 9月30日
拒絕中港融合、捍衛港人利益的示威行動 今年遍地開花，尤其多由網民自發、非社運常客組織的 街頭聚集，例如圍拍 D&G、 反自駕遊、光復上水站等。
網民對中港矛盾反應激烈，不惜直接行動來到衝突現場宣示主權，《 香港城邦論 》及陳雲於 facebook 上的言論導向發揮了一定程度的影響。
擁躉眾多，但不少知識分子和 社運人對其 操弄民粹、挑動中港矛盾的方式 不以為然，面對「 希特拉 」、「 右翼大魔頭 」等指控，陳雲一笑置之，「 無呀，我無變質，我以前的論政文章一樣係講現實政治 」。
反高鐵時仍與左翼青年一同快樂抗爭，他說萬人圍立會之役失敗，對他來說是重大挫折，「 咁多群眾都做唔成事？以後一定要改變方法 」。從此向族群政治發展。
「 出唔出事係政府話事 」
陳雲說，無論高鐵、新界東北，很多關於中港融合 和被規劃的項目，骨子裏其實是地產財閥、 內地地方政府 與港府官員等利益勾結的結果。
這點不是跟左翼青年有共同語言？「 但講呢啲無人聽，一定要講 族群政治 啲人先會明。
直接去逼大陸人，大家嘈起上嚟，政府驚出事咪要改善囉，這是好實際的民間運動原理，左翼班傻人 覺得咁樣唔道德，做乜去恰個水貨客，係地產霸權唔啱點解唔搵李嘉誠？你試吓，你見都見佢唔到啦。
要恰梗係恰細，影響大嘛，佢哋又唔係咩善男信女，走水貨話『 我唔落嚟買你食屎啦 』都講得出。 」但用 族群矛盾 做反抗工具不是很危險？肢體衝突出事怎辦？「 出唔出事 係政府話事，佢快手快腳 搞掂（ 打擊水貨客 ）咪唔會出事囉。」
「 要取悅所有人 就做唔到事 」
陳雲認為，在港搞成功的群眾運動要簡化論述 ── 雙非人是蝗蟲、一簽多行來香港打黑工搶飯碗，他似乎很知道自己在以偏概全，「 一定要簡化先會有人行動，思想精密都可以有行動，但這要高度組織和政治教育，香港的政黨唔願意做，又唔係我可以做到，無時間，無錢，網絡上講嘢 一定要簡短。 」
但言論煽動族群仇恨，部分網民見到雙非孕婦出了醫療事故歡呼喝采，認為「 蝗蟲最好死晒佢 」，變得幸災樂禍無人性又怎樣？「 咁講只係情緒發泄，香港人唔會見佢入緊醫院專登絆跌佢、見死不救，一路鬧佢抵死一路都係會救。」
他反指部分衛道者虛偽，「 真係要救弱勢，驚水貨客嚟唔到，大陸細路要食三聚氰胺，你咪過關送去畀佢囉，打咗稅合法架。唔見佢哋愛心爆棚到咁？得個講字喳嘛 」。
「我預咗畀人鬧，要取悅所有人就做唔到事。壞名我擔之嘛，或者班高登仔擔之嘛（笑），又唔係佢哋擔，怕乜？
其他香港人 咪繼續講仁慈呀、普世價值呀、 公共理性呀、 平等呀咁囉，一班人做壞事 另一班人補鑊，係正常社會操作、 做政治運動 要有這個默契。」
陳雲的族群政方法，《 明報 》林茵的精彩訪問
http://www.facebook.com/wan.chin.75/posts/308685879239637
Keine Kommentare:
Kommentar veröffentlichen