陳雲、李珏熙(Marco) :我們在香港，這裡有希望

陳雲、李珏熙(Marco) :我們在香港，這裡有希望

唔好意思，望住成堆青政網軍攞住本土新聞份聲明打飛機，又見到有條仆街話陳雲「失言俾人乘虛而入整個標題跣」又話係「冇政治智慧」，條氣頂住。


於是我做咗樣好痴線嘅嘢，不如睇下本土新聞所指嘅索書號第一九五集入面，陳雲成套言論講乜：


===============================================

第⋯⋯二節17:13開始


主持：其實我係街上面呢都會遇到一D既問題，就係話佢地覺得你地就算攪全民制憲或者選舉用五區公投呢個方法，就算當你攞到好多人支持投票啦，變相公投啦但呢個唔係正式既公投方法丫麻，而家呢個政府咁強硬咁既態度佢都可以唔理你既，咁樣咪又係一樣攪唔成。


陳雲：嗰個辭職公投係最後一箸黎架，而實際上嗰個永續基本法係唔駛去到辭職公投嗰度既，嗰個應該好順利，只要我地五區當選而且係高票當選呢，


呢個已經顯示我地民意既支持咁中國會尊重，特別係美國會尊重，美國尊重係好重要因為美國係民主國家，佢發覺你攪永續基本法咁符合國際法既野，你班香港友攪到五條友入到去，跟住得票率仲好低，抆尾入既咁人地美國佬點睇你？


點睇你班香港人？你地班友都唔尊重國際條約又唔尊重自己既憲法既權益，我美國去保你？你第日比共產黨指點一下勾結一下你將返我軍咁點算呀？


所以呢D野係你要自己尊重自己，美國先會尊重你北京先會尊重你，所以一定要高票投比我地，講咁多野都係為左拉票，唔係話喂喂喂你投比我呀乜乜乜我係有方法幫你攪掂有承擔。

- -


主持：即係我地係實際好多，我地唔係抆尾要入而係要高票當選，大家都唔駛諗配票呢樣野。


陳雲：同埋五區公投你話辭職公投嗰樣野呢，自從港共呢邊將呀梁天崎呀陳浩天嗰D用呢個篩選既方式憑政綱既方式使到佢地冇得參選呢，我地要玩呢個最後既殺著都要小心啦，好容易話你根本辭左職，遞個政綱上去佢地話喂你港獨黎既，跟住唔比你參選冇得玩既，所以呢個係個備用既方案。


最重要既就係你當今次五區既熱普城投票就係五區公投，就係顯示民意，個原因係因為得我地提出永續基本法，冇第二個政黨提出丫麻，所以投比熱普城五區聯盟既，投票率就係公投黎架啦，因為佢地同我地入立法會辭左職攞個政綱出黎待表決既情況一模一樣，而家冇第二個政黨冇第二個候選人提出永續基本法，


所以今次已經係架啦。所以要千祈要好認真咁玩，要好認真咁樣投票，因為今次真係點解當時要攞辭職公投出黎，因為我地冇報名參選，我唔知第二條友有冇偷我地D野黎用，


但我地發覺冇人夠膽黎用，佢地講話檢討基本法呀，永續一國兩制嗰D佢講到好瞹眛，同埋將佢排係好後囉，排係D民生福利入面。既係今次我發覺嗰粒星星都幾好幾多人鍾意喎，幾多客鍾意喎我咪掛上去囉，但係嗰個唔係主體黎既。


所以今次嗰個熱普城既五區投票已經係足夠顯示民意啦，因為係得我地呢邊有永續基本法，建立自治政府，講得好白架啦。琴日我地係尖沙咀嗰個五區造勢大會，有自治政府既地位等如好似澳洲紐西蘭正統獨立架啦。你地唔好再諗住咩港獨嗰D乜乜，我地已經係做左架啦。

- -


李珏熙：同埋黃洋達講五區公投既三本推演，伴隨住係話假若五區公投呢一個辭職之後啦，受到阻撈又或者失敗，共產黨忽視呢個民意呢，我地發起廣場起義呢到時會面臨一個需要用武力去革命既最差局面。因為談判既路走到盡頭而我地係最後既談判，談判我地係用緊一D政治博奕既方式，咁國師陳云根所做既方法係將所有既風險減到最低，成功率推到最高，


但你要記住政治既博奕係永遠係有一D既冒險，你必然有冒險既，咁但係我地係最安全既冒險。


陳雲：最安全而我地都係會負責到底，即係唔掂既時候你地選左我地五條友入去攪唔掂永續基本法，我地真係會做冒險既辭職公投，辭職公投唔掂武裝革命，


因為嗰個五區公投唔係好似以前毓民咁抆埋其他因為民主黨佢地唔肯答應，要抆埋嗰D陳淑莊呀嗰D一齊，咁所以嗰次唔掂毓民唔駛負責因為其他有黨麻，大家集體負責制麻，


今次如果選左入去唔掂我地熱普城負責。辭職公投唔掂我地要去負責，比共產黨或者比其他人攪彎左個辭職公投做唔到永續基本法最後武裝革命我地自己負責，


當然去到嗰步呢中國已經冧左檔喇，你武裝革命 一 係解放軍入城一係美軍入城，去到嗰一步都已經係三四年之後既事，三四年之後按照好多國家既推算日本既推算中國頂唔到2020年 。

陳云根(陳雲)、李珏熙(Marco) :我們在香港，這裡有希望
http://www.passiontimes.hk/prog/23/195


我們在香港，這裡有希望
- 熱血時報網站連結 http://www.passiontimes.hk/prog/23/195
- Copyright © 2016

source :


陳雲：是次立法會選舉，是為了香港的本土民眾一戰
https://www.facebook.com/wan.chin.75/posts/10154280310462225



陳雲：我在編寫香港歷史年表，在書展推出，以此顯示香港主權 及香港人意識的形成過程。
https://www.facebook.com/HKTruthWanchin/posts/1159102754140227


陳雲：支爆對香港的影響，大家知道嗎？支爆（China meltdown）
https://www.facebook.com/HKTruthWanchin/posts/1113216238728879


陳雲：港獨是否違法？為什麼中共和中共在港的放屁蟲、傳聲筒，總是在說港獨是違法？共產黨什麼時候變得這麼講法律的？
https://www.facebook.com/HKTruthWanchin/posts/1101114886605681


陳雲 : 支爆影響你份保險單
http://news.gamme.com.tw/1269162


https://www.facebook.com/HongKongCloudAtlas/?fref=photo


山河社稷圖
https://www.facebook.com/%E5%B1%B1%E6%B2%B3%E7%A4%BE%E7%A8%B7%E5%9C%96-1567356853588896/